بس انت ماقدرت من قال : غالي..!!
صح الشمالي صدره أوسع من الكون..!!
بس إنتبه ..!! لاضاق صدر الشمالي..!!
وصح انك الغالي وانا فيك مجنون
بس انت ماقدرت من قال : غالي..!!
خيبت هقوات ٍ كثيرات وظنون
وأخلفت ماكان بخيالي وبالي
وخليت كل الناس عندي يقولون :
(مسكين يمشي بالهوى دون والي..!!)
والناس ناس ..!! وأكثر الخلق يدرون
باللي معك صاير .. وماقد مضالي
كم قلت لك لاتفعل اللي يسووون
خلك معى مخلص .. بأول وتالي
كم قلت لك إترك هل الهرج يحكون
وأرفع مقام الحب دايم بعالي
لأن الهوى مبدا وحكمه وقانون
شي ٍ كبير .... وشي .. شي ٍ مثالي
الله لو تدري اليا غبت وشلون ؟؟
حالي ... اليا من غبت.. وشلون حالي
لارحت ضلعي من عنا البعد محزون
حتى منامي ... لاحشا ... ماهنالي
وإن جيتني دمي وروحي يغنون
دبكة غلا .. من بعد طول إنشغالي
واليوم ماني فيك مغرم ومفتون
اليوم أنا في غيبتك صرت سالي
مالك ومالي .. ماانتْ للخافق تمون
وان قلت ليه..؟؟ اقول : مالك ومالي
وأكيد لك رجعه وأنا اكيد بكون
أحرقت صفحاتك ولا لك توالي
وبسّمعك ( أحلام ) .. لاجرت لحون
"وش ذكرك حب ٍ طوته الليالي"
نعم طويتك والغلا مات مطعون
حتى خيالك بقتله لاطرالي
ملعون أبو قلبي إذا جاك ملعون
وأنا معرب من عمام وخوالي
انا شمالي صدري اوسع من الكون
بس انت ماخليت صدري شمالي..!!
|~ تـوقـيـع:
~ احساس انسان
بع ـض المشـآعر .. يصعب ترجمتهـآ !!
يصعب ( فهمهـآ )
يصعب بحق ..
..............[ البوح بهـآ ]
فيكون {الصمت ..ملآذآ لهـآ ...
|
|
المساحات الإعلانية
العرض الشجري
