قصة ريم وتركي
في البدايه قصتي خياليه بس تحمل الكثير من الواقع
اتمنى انها تعجبكم وتحوز على رضاكم
ابطـال القصه هم:
تـركي شاب طموح مخلص الجامعه عمره 23 سنـه
والـد تـركي رجل اعمـال مشهـور وله الكثير من الشـركات
اخته ريمـا اصغر منه عمرها 18 سنه
صـديـق عمره فيصـل وهذا هو وتـركـي تؤام روح وافكارهم متقاربه من بعض وموظف في شركة وعمره
24 سنه
نبداء في احـداث القصه :
طبعـاً تـركـي كان مخلص الجامعه وجالس بالبيت لاشغله ولاعمله ماغير هيتان في هالشوارع ودوجه وفرفره بالاسواق
هو وصديق الطفوله فيصـل الي مشاءالله مغزلجي من الدرجه الاولى،،، تـركـي كان وسيم جداً
يعني اسمر مملوح حيل شعره اسود وكثيف وناعم طويل لحداً ما ؛؛؛ ومسكسك(اموت على السكسوكه ههههههه)
طويل لاهو نحيف ولاسمين يعني [جسمه رياضي]>>(هذا المطلوب عند البنات هههههه)؟بس الي كان يميز تـركـي
عن فيصل ان البنات عنده لاقامن ولاقعدن يعني حاطهن صفر على الشمال وكان ثقيل حيل لدرجة ان البنات هن
الي يجين ويرقمنه ومو معطيهن اي وجه اما اخونا في الله فيصل ماعليه كلام حليوه بس مو زي تركي
كان (مشـفوح بنات) يعني يموت على البنات وعلى مغازلهن ويطير بالعجه بس يشوف زول حرمه هههههههههه
ويوم من الايام كان تـركـي جـلس مع فيصل بالمجلس حق الرجال (الدوانيه)ويسولفون ويقول فيصل
آآآخ ياتروك لو عندي ربع جمالك والله لااسوي العجايب يضحك تركي ضحكه خفيفه وش بتسوي يعني
فيصل:قول وش الي مااسويه مااخلي بنت بالمملكه ماارقمه وهاتك ترزز في الاسواق ونذخ اخلي كل بنات السوق
يركضون وراي بس عشان اعطيهن فــيــس هههههه
تـركـي:ههههههههههههههههههههه الله يقطع ابليسك يافصول وهذا همك بالحياة البنات ومغازلهن خلك ثقيل ياولد
البنات مايحبن المطفوخ الي زيك خخخخخخخخخخخ
فيصل: ياعمي رووووح هذولي الجنس اللطيف مالنا غنى عنهم ومالهم غناء عنا ياعمي اغدي خبل لعيونهن بس
يعطني فـيـس خخخخخخخخخخخخخ بلا ثقل بلا هم
تركـي: بو طبيع مايجوز عن طبعه عاد من زين هالخشه الي تسلح النعمه (تزيل النعمه للي مايعرف معناه)
ماظنتي فيه وحده صاحيه تغازلك على هالوجه خخخخخخخخخ(للمعلوميه فيصل حليو بس تـركي حب يقهره)
فيصـل:ليه وش ناقصن كلي حلا الف وحده تتمناني بس ااشر بيدي كل وحده تقول ياليت فصول يعطيني وجه
خخخخخخخخخخخخخخخخ
تـركــي: تكفى ياتوم كروز خخخخخخخخخخخخخخ
ويقعد فيصل وتركي يضحكوووون بشكل هستيري على سوالفهم
فيصـل يالله تروكي انا ماشي بغية شي بكرا وراي دوام الله يعيني مو مثل بعض الناس عاطلين قاعدين بالبيت ياخذ
مصروفه من البابا خخخخخخخخخخخخخخخخخ
تـركي:خخخخخخخ الله واكبر يالوزير بعدين وش حاجتي بالوظيفه شركات الوالد وموجوده والحمد لله متى ماطقة براسي رحت وتوظفت عند الوالد مو مثل بعض الناس بالقوه ومغصوبين بعد على الدوام
يالله روح تقلع يم بيتكم تراك اذهبتن بقرقتك يالقرقه خخخخخخخخخخخخخخ
فيصل:الله واكبر انا القرقه ياتروكي على العموم مقبوله منك يالغالي وش اسوي اصغر مني ولازم اتحمل ثقالة دمك
خخخخخخخخخخخخخخخخخخ يابـزززر
فيصل: يالله تصبح على خير حبيبي خخخخخخخخخخخ
تركـي: وانت من اهل الخير يابعد عمري خخخخخخخخخخخ
في اليـوم الثـاني:
تـركي توه صاحي من النوم ويقـوم ويتروش ويبدل ثيابه ويعدل الشماغ ويضبطه قدام المرايه ويناظر لنفسه
ويقول: لنفسه فديتني قـمر 15 وكانت وراه اخته ريما وسمعته وقالت الحمدالله والشكر قاعد يرفع في نفسه... تروك
ترى مداح نفسه يبيله رفسه قال تركـي لاوانتي الصادقه ياريـوووم مداح نفسه يبيله بوووسه خخخخخخخخخخخخ
بعدين ياشين غيرة البنات حتى مننا حنا يالعيال تغيرون على بالكم الله ماخلق غيركم مزيين كشة وجه هههههههه
ريـما: ايه اخلص وانزل تحت افطر معنا ابوي يسال عنك يقول تــركي وينه ابيه بموضوع مهم
تـركـي: الله يستر وش يبي ابوي من الصبح؟؟ قالت ريما ماادري؟؟
نزل تـركـي تحت وحب راس امه وقال صباح الخير يالغاليه وشلونك اليوم وشلون رجولك اليوم
الام: الحمدالله ياوليدي احسن من امـس تـركي يالله يمه بلا دلع عواجيز مافيك شي بس شكلك عجزتي
قبل الوالد خخخخخخخخخ،،الام: وشو عجزت توني بعز شبابي قم بس قم --- تـركي اما بعز شبابك يمه علينا
خخخخخخخخخخخخخخخخ
ويقوم ويحب راس ابوه ويقول صبحك الله بالخير يالغالي وش رايك تتزوج على الوالده تراها عجزت خخخخخخخخ
الام : وجع ياتروك وش قاعد تحتسي انت
تـركي:يمه قد وجعتك انتي هين والله لاازوج ابوي ازين بنيه تدلعه احسن دلع
الوالـد:خخخخخخخخخ الله يقطع سوالفك ياتركي هذي الغاليه مانقوى على زعلها....ويبدا تركي بالتعليق
شيبان وقامو يتغازلون مو لايق المصيبه خخخخخخخخخخخخ
الوالد : ايه ياتركي تعال بغيتك بموضوع مهم..عاد هنا تركي قلب لون وجه هلا يالغالي وش بغيت آمـر
وبقلبه يقول الله يعين ويجيب العواقب سليمه لايكون سامع عني شي
ابو تـركي: ياوليدي انت ما شاء الله شايف انه عندنا شركات كثيره..تركي: الله يزيد الخير يبه.. آميـن ياوليدي
وانت تعرف اني كبرت ومافيني حيل ادير هالشركات لحالي وانت وحيدي ومحد يضمن عمره
وابيك اليوم تروح تداوم بالشركه عشان تعرف للشغل
تـركي:الله يطول بعمرك يبه بعدين ترى توك بعز شبابك..وابشر تامر على هالخشم من بكرا اداوم كم عندي
ابو تركي انا... يقاطعه ابوه لاياوليدي اليوم تروح لاني انا عطيت الموظفين خبر انك بتداوم اليوم
تـركـي: يعني لازم اليوم يبه ضرررروري..ابوتركي: ايه لازم اليوم ويالله على الدوام
ريـما: يبه انت صاحي تحط الشركات بيد تركي والله ليلعب بهن
تـركـي: ريــوووم وش فيك ماسكه غلط علي اليوم اسكتي لااعطيك طراق من طراقاتي الحلوات
ريـما: يبه شف ولدك وش يقول بيعطيني طراااق
ابو تركي: وانتم كل يوم على هالموال بس مناقر تقل وغدان(بزران) خلاص اكبرو
تـركي: يبه خل ريووووم تتركن في حالي وانا مااجيه
ريمـا: الله واكبر يعنني حمل وديع قام يتمسكن عند ابوي
تـركـي: انا بطلع قبل يرتفع ضغطي من بعض الناس ويتعكر مزاجي وتخرب وسامتي
ريمـا: الحمدالله مصدق انه حلو
تـركي: احلى منك يالغيور خخخخخخخخخخخخخخخخ
تـركي: يالله يمه يبه تامرون على شي انا بروح للشركه
ابو تركي وام تركي : سلامتك ياوليدي دربك خضر والله يوفقك ان شاء الله ويسهل عليك
ريما: وانا محد يدعيلي
ابو تركـي: وانتي بعد يابنيتي الله يوفقك ان شاء الله
تـركي: ياشين الغيره حتى على دعوة امي وابوي حاسدتن كش على وجهك خخخخخخخخخخ
ريـما: كش على وجهك ياتروك هين انا اوريك
تـركي :يالله عاد ترى عطيتك وجه مع السلامه...ويطلع تـركي ويروووح للشركه ويداوم فيها
ويرز عمره على هالمكتب وماغير يامر وينهي يعنني مسوي فيها مدير وهو ماعنده ماعند جدتي
المهم انتهى الدوااام ورجع للبيت منهد حيله من التعب لانه مو متعود يقعد بدري وهو كان امس متاخر صكها سهره
مع الشبـاب
تغدى مع اهله وطلع فوق وقط نفسه على السرير ونام وماصحى الا على صوت الجوال وكان المتصل فيصل
تـركي:الووووووووووو
فيصــل: هلا وش اخبارك وشلونك غريبه اليوم مادقيت علي العاده تدق علي من الصبح
تـركي:آآآآه يافصول الله لايوريك اليوم ابوي خلني اداوم بالشركه غصب عني
فيصـل:خخخخخخخخخخخخخخ سبحان الله امس تتشمت فيني والله عاقبك وخلك تداوم بشركة ابوك
وغصب وبالقوه بعد خخخخخخخخخخخخ يافرحة قلبك يافصول ههههههههههههه
تـركي: يضحك بدون نفس ايه تشمت وش عليك الشكوى لله وش نسوي
فيصـل: الا اقول تروك ماودك ندوج بالاسواق اليوم وتشتريلك ملابس الحين انت صرت مدير
وفيصل بقلبه يقول لاوالله ودي اروح للسوق عشان اكحل عيوني بالبنات واغازلهن هههههههههههههه
تـركي:كم الساعه هالحين فصول
فيصل الســــــاعه 9 بالليل الله يخلف عليك
تـركي: ياووووووه كل هالوقت وانا نايم تصدق اول مره اسويها
فيصل: ايه المهم بتروح معي للسوق و لا اروح مع سامي
تـركـي: لامرني اروح معك اوسع صدري لاني طفشان محد بالبيت اهلي معزومين عند عمامي اليوم
فيصـل: اوكي تركي هالحين امرك ونروح للسوق وعقبه نروح للاستراحه
تـركي:اوكي
تـركي كان من النوع الي يحب السبورت اكثر وكان لابس بنطلون جنز يميل للرمادي وتي شيرت ابيض مكتوب
عليه بالوسط (the best boy) بنفس لون جنز البنطلون ولابس كاب ومرجع شعره على وراى يعني طالع شكله
جنان اما فيصل كاشخلي بالثوب ومضبط الشماغ وكل شوي يرش من العطر يعنني يبي يجذب البنات يمه
وطبعاً ماخلى بنت الا ورقمها ونصهن يعطنه وجه وبعضهن يزفنه زفه محترمه ومع هذا مايتوب
والتفت يمه تركي قال ياخي ماطفشت من المغازل امش فضحتنا بين خلق الله هالحين تجي الهيئه وتقشنا
وبكرا تصير سيرتي على كل لسان مشاءالله تركي ولد عبدالله ماسكته الهيئه يازين وجهي عاد
فيصـل: عين من الله خير وخل نستانس انت ماتشوف الي اشوفه سبحان الي خلقهن ياحلوهن..تركي ايه اشوف بس
ماهمني ولاحركن شعره براسي
فيصـل:يعني بتقنعني هالحين انه ولا وحده لفتت نظرك معقوله ياتروووكي
تركي:ايه وش قالولك فيصل الي طاير وراء كل وحده يشوفها ياليت تدري بك سـاره
بشوف وش تسوي (للمعلوميه ساره بنت عم فيصل )
فيصل:لاوليرحم ولديك الا سويره لاتدري عن سوالفي اموووت عليه هي حب حياتي ودنيتي
تــركـي:طيب مدامك تحب سـارهـ وش تبي بهالبنات تجمع ارقمهن
فيصل:تقدر تقول هِوايه يعني اضيع وقتي معهن للتسليه فقط
تــركي:طيب فيصل انت عندك عرض صح ولازم تخاف ربك في بنات الناس هذولا مو لعبه حرام عليك
معلقهن معك لاوالمصيبه ان بعضهن يحبنك موت بالذات خـلـود الي طايحه في دبدايبك
اذا انت تحب سـارهـ من جد اترك هالبنات بحالهن حرام عليك لا الله يبلاك في خواتك
فيصـل:سكت لحظه.... وسرح وقعد يفكر بكلام تركي ويقلبه في عقله صج ليه انا اسوي كذا في هالبنات
صج ماعندي احساس بالذات خـلـود الي ادري انها تموت فيني وللاسف حبها من طرف واحد
هنا ناده تركي وقطع عليه حبل افكاره...وين وصلت ياابو الشباب....
فيصل:هاه هلا تركي لاولاشي يالله خل نروح يم الاستراحه الشباب دقوا علي قبل شوي يقولون نستناكم تجون..
وطول ماكانوا هم بالسياره كان فيصل سرحان يفكر بكلام تـركـي وعزم وقال خلاص انا بترك هالسوالف
وبالنسبه لخلود الله يعينن وشلون اخبرها اني احب وحده غيرها
وصل تركي وفيصل للاستراحه وقبل مايدخلون فيصـل نادى تـركي
تـركي: سم فيصل
فيصل: سم الله عدوك ابيك بسالفه قبل لاندخل على الشباب
تركي:امر فيصل وش بغيت يالغالي
فيصل: تسلم والله انا طول ماحنا بالسياره افكر بكلامك وبصراحه اقتنعت بالي قلته وخلاص ببطل سوالف المغازل
تـركي:الحمدالله يوم اقتنعت خخخخخخخخخخخخخ
فيصل:بس ياتركي خلود كاسره خاطري مدري وشلون اعلمها
تـركي:شوف فيصل علمها بالصحيح وقول لها انك حبيت وحده غيره وانتي شوفي طريقك
مع غيري والله يوفقك انشاءالله
فيصل:خلاص انشاءالله بكرا اتصل عليها واقولها كل شي...تـركي: اوكي
ودخلوا على الشباب واول من استقبلهم سامي ورحب فيهم وهذا صديق تركي وفيصل من ايام الابتدائيه
وسلموا على الشباب وجلس فيصل وتركي مع شلة البلوت طبعاً كانوا الشباب منقسمين عدة اقسام
الي يلعب بلاستيشين والي يتابع مباراة الهـلال والنصـــر والي يشيش تعرفون شباب وباستراحه
مايحتاج اقول انتم اخبر بهالسوالف
وطول الجلسه كانت الضحكه شاقه حلق فيصل من الاذن للاذن لانه كان هو المنتصر دايم بالبلوت طبعاً كان
اغلب فوزه بالغش وهذا الي كان
رافع ضغط صديقهم سلطان اما تركي فكان يعرف حركات فيصل ويطالع شكل سلطان وهو معصب وميت ضحك
عليه وهو يهاوش فيصل ومن زود العصبيه سلطان مسك علبة البيبسي الي جنبه
ويصك فيصل به هنا تركي والشباب شافوا شكل فيصل وهو مكفوخ وهم ينفجرون من الضحك
ويقمز فيصل على سلطان ويصفقه بدولكة الماء(الترمز) شوي وفكوهم الشباب وقالو هدوا اللعب
ويقعد فيصل يناظر لسلطان وسلطان يناظر لفيصل وينفجرون هم ضحك على اشكالهم وشلون
هم متبهدلين ويتصالحون وكلن يروح لبيته (طبعاً اتوقع كل واحد منكم شباب صارله مثل هالموقف بالاستراحات
ياحلو مقالبكم يالشباب تونس خخخخخخخخخخخ)
المهم راح تركي لبيت فيصل ونزله وطلع تركي لبيته عشان ينام لانه تعبان وبكرا عنده دوام من بدري
بالوقت هذا فيصل كان توه داخل غرفته الا وجواله يدق تتوقعون من المتصل؟؟؟؟؟
كانت المتصـله خــــــــــــلـــــــــوووود
فيصل بقلبه يقول ياربي ارد عليه هالحين وانهي كل شي ولا استنى بكرا ورد عليه بصراحه اليوم مالي خلق اكلمها
اخليها بكرا احسن بس برد واصرفها
خلـود:الووووووو وينك حياتي
فيصل:هلا خلود وش اخبارك
خلود:الحمدالله انا بخير مدام اسمع صوتك حبيبي ياااااااااي شكثر مشتاقه اسمع صوتك من اليوم ادق عليك وماترد
فيصل:ايه كنت عند الشباب بالاستراحه وحاطه على الصامت سوري
خلود:اها كذا
فيصل:خلود اعذريني ابي انام تعبان وراي دوام
خلود:بس حبيت اذكرك بموعدنا بكرا مو تنسى حبيبي
فيصل:ايه اكيد ماراح انسى اوكي خلاص سكري بنام
خلود:نوم العوافي حبيبي تصبح على خير باااااي
فيصل من التعب مايدري وش فيه بكرا نسى ان بكرا هو ذكرى اليوم الي تعرف فيه على خلود بس من التعب
كان ناسي المهم مافكر على طول سكر عيونه ونام من شدة التعب
>>يتبع الجزء الثاني
|
المساحات الإعلانية
العرض الشجري
